Gure mahastiak eta upategia Getarian daude, hots, txakolinaren sorlekua den marinel-izaerako hiribildu historikoan. Historia eta tradizioa, lurra eta itsasoa, txakolina eta arrantza, modernotasuna eta berrikuntza dira gure esentziaren eta nortasunaren ezaugarri bereizgarriak.

Gure lurreko ardoa. Gure antzinako mahatsondo errustikoetatik, Hondarrabi izeneko mahats barietatea sortu da, eta izaera paregabea eman dio gure ardoari, hots, Txomin Etxaniz Getariako txakolinari.

Domingo de Etxanizekin (1649) hasi eta Txueka-Etxaniz familiarekin amaitzeraino, gure ahalegina “Hondarrabi” barietatearen kontserbaziora eta Getariako Txakolina JDko (1989) txakolinaren modernizaziora bideratu da.